Սոցիալական մեդիան և գրադարանները

Ամփոփում

Թվային դարաշրջանում գրադարանները պետք է յուրացնեն տեղեկատվական տեխնոլոգիաների կիրառման հնարավորությունները և գործունեություն ծավալեն այդ համատեքստում: Քայլելով ժամանակին համընթաց՝ գրադարաններն իրենց աշխատանքային զինանոցում պարտավոր են ունենալ տվյալ ժամանակաշրջանի հասարակության պահանջները բավարարող գործիքակազմ՝ տեղեկատվության առավել արագ մատուցման համար: Սույն ուսումնասիրության շրջանակում անդրադարձել ենք գրադարանների ներկայացման և զարգացման գործում սոցիալական մեդիայի դերին՝ ցույց տալ գրադարան-սոցիալական մեդիա համագործակցության առավելությունները և ընդգծել, թե հայաստանյան գրադարաններում որքանով է այն իրականություն դարձել: Կարծում ենք՝ առաջադրված նպատակն ունի արդիական հնչեղություն: