Հեղինակավոր գրառումները՝ որպես գրադարանային գործիք

Ամփոփում

Թվային տեխնոլոգիաների զարգացմանը զուգահեռ աշխարհի գրեթե բոլոր գրադարաններում ստեղծվում են թվային շտեմարաններ՝ հնարավորություն տալով հանրայնացել տպագիր ու ձեռագիր ժառանգությունը: Յուրաքանչյուր շտեմարան պետք է ունենա որոնման ճկուն համակարգ, որն անհնար է պատկերացնել առանց հեղինակավոր գրառումների: Սույն հոդվածի նպատակն է ներկայացնել հեղինակավոր գրառումների ստեղծման և համակարգման աշխատանքները, ընդգծել դրանց անհրաժեշտությունը էլեկտրոնային գրացուցակներում և թվային շտեմարաններում և ուրվագծել դրանց օգտագործման ուղիները: Ընդհանուր դրույթները կոնկրետացրել ենք ՀՊՏՀ գիտական գրադարանի էլեկտրոնային գրացուցակի օրինակներով։ Ուսումնասիրությունը իրականացվել է առաջնային և երկրորդային տեղեկատվության հիման վրա, ինչպիսիք են ինտերնետային հոդվածները և ուղեցույցները: